Вы просматриваете: Главная > ԱՊՈՒՐՆԵՐ, ԽՈՀԱՆՈՑ > Ապուր «Գարնանային տրամադրություն»

Ապուր «Գարնանային տրամադրություն»

Այս ապուրն իսկապես կարող է գարնանային տրամադրություն հաղորդել այն ճաշակողին:

«Գարնանային տրամադրություն» ապուրի պատրաստման համար անհրաժեշտ բաղադրիչներն են՝

սպանախ – 400 գ

տավարի միս – 500 գ

կարտոֆիլ – 2 հատ

բրինձ – 0.5 բաժակ

սոխ – 0.5 գլուխ

գազար – 1 հատ՝ փոքր

ձու – 2 հատ

կարագ – 50 գ

աղ, համեմունքներ, թթվասեր – ըստ ճաշակի:

«Գարնանային տրամադրություն» ապուրի պատրաստման եղանակն է.

խաշել միսը մինչ պատրաստ լինելը, ապա քամել արգանակը:

Կարագով  մանր կտրտած սոխը տապակել, ավելացնել քերած գազարն ու թեթևակի շոգեխաշել: Վրան ավելացնել արգանակը, մանր կտրտած միսն ու կարտոֆիլը: 10 րոպե եփելուց հետո ավելացնել բրինձը, եփել ևս 10 րոպե: Համեմել աղով, համեմունքներով և ավելացնել կտրտած սպանախը: 2-3 րոպե եփելուց հետո ավելացնել 1 հարած ձու և կրակից վերցնել:

«Գարնանային տրամադրություն» ապուրը մատուցել թթվասերով՝ ձևավորելով խաշած ձվի կտորներով: Այս ապուրը կարելի է պատրաստել նաև առանց մսի, իսկ սպանախըՙ փոխարինել եղինջով, թրթնջուկով կամ այլ նախընտրելի կանաչիով:

Метки: , , ,


Оставить отзыв