Вы просматриваете: Главная > ԱԶԳԱՅԻՆ ԽՈՀԱՆՈՑ, ԽՈՀԱՆՈՑ, ՀԱՅԿԱԿԱՆ ԽՈՀԱՆՈՑ, ՌՈՒԼԵՏՆԵՐ, ԳԼԱՆԱԿՆԵՐ > Բարուրիկ՝ հայկական ռուլետ

Բարուրիկ՝ հայկական ռուլետ

Հայկական խոհանոցն աշխարհի ամենահին խոհանոցներից մեկն է: Թխվածքն էլ, անտարակույս, բացառություն չի կազմում: Հայկական խոհանոցի ամենահայտնի թխվածքներից են գաթան և հայկական փախլավան:

Նախկինում բարուրիկը ևս համալրել է այս ցանկը, սակայն ժամանակի ընթացքում մոռացության է մատնվել:

Բարուրիկն արագ և հեշտ պատրասրվող խմորեղեն է, համը նման է փախլավայի համին : Գոյություն ունեն այս ռուլետի պատրաստման բազում ավանդական տարբերակներ՝ կախված տարածաշրջանային առանձնահատկություններց և տանտիրուհիների ճաշակից, նախասիրություններից ու երևակայություններից:

Բարուրիկի պատրաստման բաղադրիչներն են.

խմորի համար՝

ալյուր – 1 բաժակ

կարագ – 120 գ

ձու – 1 հատ

ջուր – 5 — 6 ճ. գ

աղ:

Միջուկի համար անհրաժեշտ են՝

շաքարավազ – 0.5 բաժակ

մանրացված ընկուզ – 0.5 բաժակ

դարչին՝ ըստ ճաշակի:

Հայկական ռուլետի պատրաստման եղանակն է.

մանրեցված ընկուզին ավելացնել շաքարավազն ու դարչինը, լավ խառնել:

100 գ հալված կարագին ավելացնել ձուն (մի փոքր թողնել՝ երեսին քսելու համար), խառնել: Ապա հերթականությամբ ավելանել աղը, ջուրը և ալյուրը: Հունցել ոչ շատ պինդ խմոր:

Խմորը 10-15 րոպե թողնել, որ հանգստանա, բաժանել 2 գնդի, ապա գրտնակել՝ ստանալով բարակ ուղղանկյուն շերտեր:

Վրաները քսել մնացած կարագը և ծածկել միջուկով:

Փաթաթել բարուրիկները ռուլետի նման, վրան ձու քսել և թխել նախապես 200-240°C տաքացրած ջեռոցում 10-15 րոպե:

Հանել ջեռոցից, թողնել՝ մի քիչ հավանա և կտրտել: Այս բաղադրատոմսի դեպքում ստացվում է մոտ 28 կտոր:

Ըստ նախասիրության՝ վրան կարելի է շաքարի փոշի ցանել:

Պատրաստի բարուրիկը կարելի է մատուցել թեյի կամ սուրճի հետ:

Метки: , ,


Оставить отзыв