Вы просматриваете: Главная > ԱԶԳԱՅԻՆ ԽՈՀԱՆՈՑ, ԱՊՈՒՐՆԵՐ, ԻՍՊԱՆԱԿԱՆ ԽՈՀԱՆՈՑ, ԽՈՀԱՆՈՑ > Գասպաչո

Գասպաչո

Գասպաչոն իսպանական խոհանոցի առավել մեծ տարածում գտած ու համբավ վայելող բանջարեղենային սառը ապուր է, որի պատրաստման գործընթացն իրենից որևէ բարդություն չի ներկայացնում։

Գասպաչո պատրաստելու համար անհրաժեշտ են՝

լոլիկ – 450 գ․

կարմիր բուլղարական պղպեղ՝ թարմ կամ պահածոյացված – 1 – 2 հատ

վարունգ՝ մեծ չափսի – 1 հատ

լոլիկի հյութ – 1 լ

կարմիր գինու քացախ – 1 – 2 ճ․ գ․

ձիթայուղ – 2 – 4 ճ․ գ․

սխտոր – 3 – 4 պճեղ

սոխ՝ ըստ ցանկության – 0,5 – 1 գլուխ

համեմ կամ ծիտրոն՝ ըստ ցանկության – մի փոքր փունջ

աղացած սև ու կարմիր պղպեղներ

աղ։

Գասպաչոյի պատրաստման եղանակն է․

սոխն ու սխտորը 1 ճ․ գ․ ձիթայուղով թեթևակի տապակել։ Լցնել բլենդերի տարայի մեջ, ավելացնել կտրտած լոլիկը, կտրտած, սերմերը հեռացրած վարունգն ու կարմիր պղպեղը և լավ հարել։

Այնուհետև ավելացնել լոլիկի հյութը, քացախը, մնացած ձիթայուղը, կտրտած կանաչին ու համեմել աղով և պղպեղներով։ Կրկին լավ հարել, լցնել փակվող տարայի մեջ ու տեղադրել սառնարանում։

Մատուցել սառը վիճակում՝ ձևավորելով կանաչու ճյուղով։

Метки: , , ,


Оставить отзыв