Вы просматриваете: Главная > ԹԱՆՁՐՈՒԿՆԵՐ, ՄԱԾՈՒԿՆԵՐ, ԽՈՀԱՆՈՑ > Դասական կետչուպ՝ տնային պայմաններում

Դասական կետչուպ՝ տնային պայմաններում

Կետչուպը լոլիկով պատրաստվող համապիտանի թանձրուկ է, որն ունի լայն տարածում ողջ աշխարհում։ Այն կարելի է համադրել գրեթե բոլոր տեսակների ուտեստների հետ՝ մսային, բանջարեղենային, ձկնային․․․

Տնային պայմաններում դասական բաղադրատոմսով կետչուպ պատրաստելու համար անհրաժեշտ են՝

լոլիկ – 1 կգ

մեխակ – 3 հատ

դարչին – 1 փայտիկ կամ 0,5 թ․ գ՝ աղացած

դափնու տերև — 1 հատ

աղ – 8 գ

շաքարավազ – 20 գ

սխտոր – 2 պճեղ

սև պղպեղ – 4-5 հատիկ կամ աղացած՝ 0,5 թ․ գ

քացախ՝ 6%-անոց – 30 մլ։

Տնային պայմաններում դասական բաղադրատոմսով կետչուպի պատրաստման եղանակն է․

լոլիկն աղալ մսաղացով ու եփել 5-10 րոպե՝ միջին կրակով։ Թողնել՝ հովանա, մաղել այնպես, որ կորիզներն ու կոշտ մասերն առանձնանան հյութից և փափուկ պտղամսից։

Մաղված հյութը դնել կրակին և եփել այնքան, մինչև հեղուկի գոլորշիացման արդյունքում ստացվի անհրաժեշտ թանձրության զանգված (զանգվածի ծավալը գրեթե կրկնակի պետք է կրճատվի)։

Բոլոր համեմունքները և ճզմած սխտորը լցնել թանզիվե (марля) տոպրակի մեջ (որպեսզի համեմունքների մասնիկները չանցնեն կետչուպի մեջ ու այն լինի միագույն և միասեռ) ու ընկղմել լոլիկի եռացող հյութի մեջ, ավելացնել քացախը՝ շարունակելով եռացնել ևս 5-7 րոպե։

Արդեն պատրաստի կետչուպի մեջից հանել տոպրակը, տաք վիճակում լցնել նախապես մանրէազերծված ապակե տարրաների մեջ, ամուր փակել մետաղական կափարիչով և տարրան շրջելով՝ թողնել՝ հովանա։

Метки: , ,


Оставить отзыв