Вы просматриваете: Главная > ԱՊՈՒՐՆԵՐ, ԽՈՀԱՆՈՑ > Դդմիկով ու հավի մսով ապուր

Դդմիկով ու հավի մսով ապուր

Այս դյուրամարս, գունագեղ, վիտամիններով հարուստ ու համեղ ապուրը հատկապես դուր կգա իրենց սննդակարգին հետևողներին։ Խորհուրդ է տրվում ընդգրկել նաև երեխաների սննդակարգում։ Այն կարելի է պատրաստել ինչպես թարմ, այնպես էլ սառեցված մթերքներից ու վայելել ողջ տարին։

Դդմիկով ու հավի մսով ապուր պատրաստելու համար անհրաժեշտ են՝

հավի փափկամիս – 200 գ

բուլղարական պղպեղ – 0,5 հատ

դդմիկ (կարելի է նաև ցուկինի) – 0,5 – 1 հատ

գազար՝ փոքր չափսի – 1 հատ

լոլիկ՝ միջին չափսի – 1 հատ

սոխ՝ փոքր չափսի – 1 գլուխ

սամիթ՝ թարմ կամ չորացրած

բուսայուղ

ջուր

նախընտրելի համեմունքների փունջ – ըստ ճաշակի

աղ։

Դդմիկով ու հավի մսով ապուրի պատրաստման եղանակն է․

հավի՝ կաշին հեռացրած փափկամիսը կտրտել ու եփել մոտ 15 – 20 րոպե, թափել արգանակը, ապա մսի վրա լցնել մոտ 1 լ ջուր ու կրկին եփել։ Երբ ջուրն սկսի եռալ, ավելացնել կտրտած դդմիկը (կարելի է կեղևով կամ կեղևազրկած)։ Եփել 10 – 15 րոպե։

Թավայի մեջ բուսայուղով տապակել մանր կտրտած սոխը, այնուհետև ավելացնել քերած գազարն ու մանր կտրտած պղպեղը և տապակել 1 – 2 րոպե։ Որից հետո ավելացնել կեղևազրկած ու մանր կտրտած լոլիկը։ Միասին տապակել մի քանի րոպե ու ավելացնել եռացող արգանակի մեջ ու եփել մինչև գրեթե պատրաստ լինելը։ Պատրաստ լինելուց 1 – 2 րոպե առաջ համեմել աղով ու նախընտրելի համեմունքներով։

Պատրաստի ապուրի վրա ավելացնել սամիթն ու մատուցել։

Метки: , ,


Оставить отзыв