Вы просматриваете: Главная > ԽՈՀԱՆՈՑ, ՈՒՏԵՍՏՆԵՐ > Խորոված սմբուկները՝ լոլիկի թանձրուկով

Խորոված սմբուկները՝ լոլիկի թանձրուկով

Լոլիկի ու սմբուկի համադրությամբ ուտեստների ցանկում կարելի է ավելացնել նաև այս հիանալի բաղադրատոմսը։

Լոլիկի թանձրուկով համեմված խորոված սմբուկներ պատրաստելու համար անհրաժեշտ են՝

սմբուկ – 500 գ

լոլիկ – 600 գ

շաքարաազ – 1 թ․ գ

խնձորի քացախ – 1 թ․ գ

թանձրուկ «Տաբասկո» կամ այլ կծու թանձրուկ — ըստ ճաշակի

ջուր – 0,5 բաժակ

թարմ ռեհան – մի փոքր փունջ

թարմ անանուխ — մի փոքր փունջ

բուսայուղ

սև աղացած պղպեղ

աղ։

Լոլիկի թանձրուկով համեմված խորոված սմբուկների պատրաստման եղանակն է․

լավ լվացած ու պոչերը հեռացրած սմբուկները կտրտել 4 – 5 սմ հատությամբ շերտերով ու շարել ջեռոցի՝ բուսայուղով պատած տապակի մեջ։ Համեմել աղով ու սև պղպեղով և խորովել 220˚C տաքացրած ջեռոցում մոտ 20 րոպե, որից հետո գուշությամբ շրջել սմբուկներն ու խորովել ևս 10 – 12 րոպե։

Այդ ընթացքում բլենդերով հարած կամ մսաղացով աղացած լոլիկները համեմել աղով ու ավելացնել տաք բուսայուղով թավայի մեջ՝ հասցնելով եռման։

Այնուհետև ավելացնել քացախը և թանձրուկն ու եփել մարմանդ կրակով մոտ 5 րոպե՝ անհրաժեշտության դեպքում ջուր ավելացնելով, որպեսզի թանձրուկը շատ թանձր չլինի։

Համեմել սև պղպեղով, ավելացնել կտրտած ռեհանն ու անանուխը և վերցնել կրակից։

Երբ լրանա սմբուկների խորովման երկրորդ ժամանակահատվածը, դրանց վրա գդալով լցել տաք թանձրուկից ու կրկին տեղափոխել ջեռոց 3 – 5 րոպեով։

Պատրաստի սմբուկները մատուցել տաք վիճակում։

Метки: , ,


Оставить отзыв