Կարմիր կեռասով ու ծիրանով ջեմ

Ծիրանի անուշահոտության ու կեռասի նրբահամության համադրությամբ ջեմը հիանալի ու անկրկնելի պահածո է, որը կարելի է հյուրասիրել նույնիսկ ամենաքմահաճ հյուրերին։

Կարմիր կեռասով ու ծիրանով ջեմ պատրաստելու համար անհրաժեշտ են՝

կարմիր կեռաս – 0,5 կգ

ծիրան – 0,5 կգ

շաքարավազ – 0,5 կգ

վանիլ։

Կարմիր կեռասով ու ծիրանով ջեմի պատրաստման եղանակն է․

կաթսայի մեջ լցնել կորիզները հեռացրած ծիրանի կտորներն ու կեռասը, ծածկել շաքարավազի շերտով ու թողնել 4 – 5 ժամ, որպեսզի մրգերն սկսեն հյութ արտազատել։

Կաթսան դնել մարմանդ կրակին ու եփել 15 րոպե՝ անընդհատ խառնելով։ Ապա ավելացնել վանիլն ու եփել մինչև պատրաստ լինելը՝ մոտ 5 րոպե։

Պատրաստի ջեմը՝ տաք վիճակում, լցնել ապակե մանրէազերծված տարաների մեջ ու ամուր փակել մետաղական կափարիչով։