Вы просматриваете: Главная > ԱԶԳԱՅԻՆ ՏՈՆԱՑՈՒՅՑ, ԹԱՂԻՔԻՑ (ֆետր, фетр), ԺՈՂՈՎՐԴԱԿԱՆ ԾԵՍԵՐ, ՀՄՈՒՏ ՁԵՌՔԵՐ, ՇԻՆՎԱԾՔՆԵՐ (поделка), ՍՈՒՐԲ ԶԱՏԻԿ > Կողով զատկային ձվերի համար

Կողով զատկային ձվերի համար

Սուրբ Զատիկի տոնական սեղանի կարևոր զարդարանքներից է զատկային ձվերի կողովը, որն իր տեսքով յուրօրինակ շուք է հաղորդում տոնական սեղանին:

Իհարկե, ամենատարածվածը և ավանդականը ծլեցրած ցորենով կողովն է, որի մեջ գեղեցիկ դասավորված են խայտաբղետ ներկված զատկային ձվեր, սակայն լայն տարածում ունեն այլ գեղեցիկ ու հետաքրքիր տարբերակներ ևս:

Զատկային ձվերի կողով պատրաստելու համար անհրաժեշտ են՝

ձվի ստվարաթղթե կաղապար – 1 հատ

թաղիքե (ֆետր, фетр) գունավոր կտորներ

դեղին (կամ այլ նախընտրելի գույն) գուաշ և վրձին

սոսնձային ատրճանակ և սոսինձ

գրասենյակային դանակ

մկրատ

մատիտ:

Զատկային ձվերի կողով պատրաստելու եղանակն է.

ստվարաթղթե կաղապարից կտրելով հեռացնել կողովի համար ոչ պիտանի մասերը: Կողովի հիմքը ներկել գուաշով և թողնել՝ չորանա:

Տարբեր երանգների կանաչ թաղիքների վրա մատիտով խոտ, իսկ այլ գույների թաղիքների վրա ծաղիկներ նկարել ու մկրատով կտրել:

Սոսնձային ատրճանակով թաղիքե մասնիկները սոսնձել կաղապարի վրա. ողջ կաղապարի պարագծով սոսնձել տարբեր երանգներից կտրված խոտը, ապա խոտի փոքր փնջեր սոսնձել նաև ձվի համար նախատեսված փոսիկներում  և նախապես կտրված անցքերում: Խոտերի վրա փակցնել բազմերանգ ծաղիկները:

Արդեն պատրաստի կողովի մեջ կարելի է դասավորել ներկված ձվերը:

Թաղիքը կարելի է փոխարինել ֆոմով կամ երկկողմանի գունավոր թղթով:

Метки: , , , ,


Оставить отзыв