Вы просматриваете: Главная > ԱՂՑԱՆՆԵՐ, ԽՈՀԱՆՈՑ > Հազարով և թավշածաղկով աղցան

Հազարով և թավշածաղկով աղցան

Պարտեզում աճող ծաղիկներից շատերի օգտակարության և ուտելի լինելու մասին գիտեն քչերը։

Համեղ ու արտառոց, առողջարար և գեղեցիկ այս աղցանի բաղադրիչներց մեկն էլ՝ թավշածաղիկը, պատկանում է այդ ծաղիկների թվին և, անկասկած, ոչ բոլորն են համտեսել այն։

Հազարով և թավշածաղկով աղցան պատրաստելու համար անհրաժեշտ են՝

հազարի տերևներ – 1 կապ

թավշածաղիկ – 3 – 4 ծաղկաբույլ

արևածաղկի մաքրած սերմ – 1 ճ․ գ․

կտավատի սերմ – 1 ճ․ գ․

բալզամիկ քացախ – 0,5 թ․ գ․

ձիթայուղ – 3 ճ․ գ․

աղ։

Հազարով և թավշածաղկով աղցանի պատրաստման եղանակն է․

հազարի տերևները լվանալ, չորացնել, ձեռքերով մասնատել ու տարածել մատուցման ափսեի մեջ։ Վրան ավելացնել արևածաղկի և կտավատի սերմերը, թավշածաղկի ծաղկաթերթիկները (հարկավոր է ընտրել ծաղկաբույլի կենտրոնին մոտ գտնվող մանր ծաղկաթերթերը, սակայն պետք է խուսափել սերմերից, քանի որ դրանք դառնահամ ու կծու են)։ Աղցանը համեմել աղով, ցողել բալզամիկ քացախով և ձիթայուղով ու անմիջապես մատուցել։

Метки: , ,


Оставить отзыв