Հնդկաձավարի օգտակարության մասին, անշուշտ, գիտեն բոլորը, իսկ պատրաստվող ուտեստների բազմազանությունը հնարավորություն է ընձեռում այն ընդգրկել ճաշացանկում ամեն օր:
Հնդկաձավարով յուղաբլիթների այս բաղադրատոմսը կհետաքրքրի այն տնային տնտեսուհիներին, ովքեր սիրում են համադրել համեղն ու օգտակարը:
Յուղաբլիթների պատրաստման համար անհրաժեշտ են ՝
հնդկաձավարի շիլա – 1 բաժակ
ձու – 2 հատ
սոխ – 1/3 գլուխ
գազար – 1 հատ
թթվասեր – 1 ճ. գ
ալյուր – 2 ճ. գ
բուսայուղ – 2 ճ. գ
աղ, համեմունքներ – ըստ ճաշակի:
Հնդկաձավարով յուղաբլիթների պատրաստման եղանակն է.
շիլայի վրա ավելացնել հարած ձուն, մանր կտրտած սոխը, քերած գազարը, թթվասերը և լավ խառնել: Համեմել աղով և համեմունքներով, ավելացնել ալյուրն ու լավ խառել:
Ստացված զանգվածը գդալով լցնել տաք բուսայուղի մեջ և տապակել երկու կողմից: