Вы просматриваете: Главная > ԱՊՈՒՐՆԵՐ, ԽՈՀԱՆՈՑ > Ղանձիլով խյուսապուր

Ղանձիլով խյուսապուր

Ղանձիլն իր սուր հոտի պատճառով հաճախ անարդարացիորեն անտեսվում է առօրյա ճաշացանկից, սակայն նրա օգտակարությունը և օրգանիզմի վրա բարերար աղդեցությունն անգնահատելի են։

Ղանձիլով խյուսապուր պատրաստելու համար անհրաժեշտ են՝

ղանձիլ – 100 գ

կարտոֆիլ – 5 – 6 հատ

սոխ – 1 գլուխ

սերուցք – 100 մլ

արգանակ կամ ջուր

կարագ կամ բուսայուղ

սև աղացած պղպեղ

աղ։

Ղանձիլով խյուսապուրի պատրաստման եղանակն է․

կարագով կամ բուսայուղով և կտրտած սոխով սոխառած պատրաստել, ապա ավելացնել կտրտած կարտոֆիլն ու տապակել մի քանի րոպե։

Այնուհետև ավելացնել կտրտած ղանձիլն ու նախընտրելի արգանակը կամ ջուրը (հեղուկի քանակը կախված է խյուսապուրի նախատեսված թանձրությունից) ու եփել մինչև պատրաստ լինելը։

Պատրաստի ապուրը համեմել աղով ու սև պղպեղով։ Այն կարելի է վայելել այդ ձևով կամ պատրաստել խյուսապուր։ Վերջինիս համար հարկավոր է ապուրը հարել բլենդերով, ավելացնել սերուցքը ու եփել մի քանի րոպե։

Մատուցել տաք վիճակում։

Метки: ,


Оставить отзыв