Вы просматриваете: Главная > ԽՈՀԱՆՈՑ, ՄԱՐԻՆԱԴՆԵՐ, ԹԹՈՒՆԵՐ, ՊԱՀԱԾՈՆԵՐ > Չհասունացած ծիրանի մարինադ

Չհասունացած ծիրանի մարինադ

Մարինադի սիրահարները վսահորեն կարող են ևս մեկ բաղադրատոմս ավելացնել սիրելի պահածոյի շարքում, որը միաժամանակ և՛ արտառոց է, և՛ համեղ։

Չհասունացած ծիրանի մարինադ պատրաստելու համար անհրաժեշտ են՝

դեռևս կանաչ՝ չհասունացած ծիրան – 5-6 կգ

ջուր – 2,4 լ

քացախ՝ 6 % — անոց – 0,5 լ

շաքարավազ – 1,1 կգ

աղ – 25 գ

մեխակ – 30-40 հատ

սև հատիկավոր պղպեղ — 30-40 հատ

դարչին – ըստ ճաշակի

1 լիտր տարողությամբ ապակե տարրա – 10 հատ

մետաղական կափարիչ — 10 հատ։

Չհասունացած ծիրանի մարինադի պատրաստման եղանակն է․

1 լիտր ծավալով մանրէազերծված ապակե տարրաներից յուրաքանչյուրի մեջ լցնել 3-4 հատ մեխակ, 3-4 հատ սև հատիկավոր պղպեղ և դարչին։

Դեռևս կանաչ՝ չհասունացած ծիրանը լավ լվանալուց ու չորացնելուց հետո խնամքով շարել տարրաների մեջ։

Շաքարավազն ու աղը լուծել ջրում։ Ջուրը եռացնել մի քանի րոպե, ավելացնել քացախը, շարունակել եռացնել ևս 1 րոպե և վերցնել կրակից։ Հովացնել մինչև 70-80° С և լցնել տարրաների մեջ ու ծածկելով մետաղական կափարիչով՝ տեղավորել 50-60° С տաքացրած ջրով կաթսայի մեջ այնպես, որ կաթսայի ջրի մակարդակը տարրաների բարձրությունից ցածր լինի 3-4 սանտիմետրով։ Կաթսայի ջուրը եռման հասցնել, և տարրաները եռացնել 35-40 րոպե։ Այնուհետև ամուր փակել կափարիչները, շրջել տարրաները և թողնել՝ հովանա։

Метки: ,


Оставить отзыв