Պահածոյացված արքայախնձորով մրգային աղցան

Մրգային աղցանը հիանալի ու օգտակար աղանդեր է և՛ մեծերի, և՛ երեխաների համար։

Պահածոյացված արքայախնձորով մրգային աղցան պատրատելու համար անհրաժեշտ են՝

տանձ – 150 գ

խնձոր – 100 գ

բանան – 150 գ

նարինջ – 250 գ

տարբեր տեսակների ու գույների խաղողներ – 250 գ

պահածոյացված (կարելի է նաև թարմ) արքայախնձոր (անանաս) – 80 գ

մեղր՝ ըստ ցանկության – 1 թ․ գ․։

Պահածոյացված արքայախնձորով մրգային աղցանի պատրաստման եղանակն է․

պահածոյացված արքայախնձորը հյութաքամել ու մանր կտրտել։ Վրան ավելացնել կեղևազրկած և խորանարդաձև մանր կտրտած խնձորը, տանձը, բանանը, նարինջը (նախապես հեռացնելով կտորների վրայի թաղանթային շերտը), ամբողջական կամ երկու մասի բաժանած խաղողի հատիկները և ցողել մեղրով։

Այդ ամենը լավ խառնել ու անմիջապես մատուցել։