Вы просматриваете: Главная > ԽՈՀԱՆՈՑ, ՄԱՐԻՆԱԴՆԵՐ, ԹԹՈՒՆԵՐ, ՊԱՀԱԾՈՆԵՐ > Պահածոյացված զեյթուն

Պահածոյացված զեյթուն

Ձիթենու՝ արդեն հասունացած սև պտուղները կոչվում են ձիթապտուղ (маслина), քանի որ դրանցից են ստանում բուսայուղը՝ ձեթը, իսկ կանաչ պտուղները, որոնք չեն օգտագործվում բուսայուղի արտադրության մեջ, անվանում են զեյթուն (олива)։

Պահածոյացված ձիթապտուղ և զեյթուն կարելի է գնել ցանկացած խանութից, որտեղ առաջարկվում է բավականին լայն տեսականի։ Սակայն այն կարելի է պատրաստել նաև տնային պայմաններում։

Պահածոյացված զեյթուն պատրաստելու համար անհրաժեշտ են՝

զեյթուն – 1 կգ

ջուր – 8 – 11 լ

սառը մամլման (extra virgin) ձիթայուղ – 20 մլ

կիտրոն – 1 հատ

սև հատիկավոր պղպեղ՝ ըստ ցանկության – 2 – 3 հատ

ծովային կամ կերակրի խոշոր աղ – 1կգ։

Պահածոյացված զեյթունի պատրաստման եղանակն է․

զեյթունները լվանալ, չորացնել ու թեթևակի հարվածել խոհարարական մուրճով, որպեսզի զեյթունի վրա առաջանան ճաքեր։ Լցնել տարայի մեջ, վրան ավելացնել 200 գ աղի ու 1,5 — 2 լ ջրի լուծույթն այնպես, որ հեղուկի մակարդակը մի քանի սանտիմետր բարձր լինի զեյթուններից։ Ծածկել ու թողնել զով վայրում 1 օր, որից հետո ջրքամել ու լավ լվանալ հոսող ջրի տակ, որպեսզի դառնությունը հնարավորինս դուրս գա։ Գործողությունը կրկնել ևս 3 անգամ։

Հինգերորդ անգամ զեյթուններն աղաջրում թողնել 15 օր, ապա լվանալ ու լավ ջրքամել, որից հետո լցնել ապակե տարաների մեջ։ Յուրաքանչյուր տարայի մեջ 1 – 2 շերտ կիտրոն ու սև պղպեղ դնել։

1 լ ջրով ու 200 գ աղով աղաջուր եփել, հովացնել ու լցնել զեյթունների վրա, ապա մի քիչ ձիթայուղ ավելացնել և ամուր փակել։

Տարաները պահել մութ ու հնարավորինս սառը վայրում։

Պահածոյացված զեյթունը մատուցելուց առաջ լավ լվանալ, ապա ցողել ձիթայուղի ու կիտրոնի հյութի խառնուրդով։

Метки: , , ,


Оставить отзыв