Вы просматриваете: Главная > ԱԶԳԱՅԻՆ ԽՈՀԱՆՈՑ, ԱՂԱՆԴԵՐ, ԻՏԱԼԱԿԱՆ ԽՈՀԱՆՈՑ, ԽՈՀԱՆՈՑ, ՊԱՂՊԱՂԱԿ ՆԵՐ > Պաղպաղակ «Սեմիֆրեդո»՝ ազնվամորով, ընկույզով և շոկոլադով

Պաղպաղակ «Սեմիֆրեդո»՝ ազնվամորով, ընկույզով և շոկոլադով

Սեմիֆրեդոն իտալական պաղպաղակի տեսակ է, որի մեջ պատրաստման ընթացքում ավելացնում են տարբեր հավելումներ՝ պտուղներ, ընդեղեն, շոկոլադ և այլն։

Ազնվամորով, ընկույզով և շոկոլադով սեմիֆրեդո պատրաստելու համար անհրաժեշտ են՝

ձու – 4 հատ

սերուցք՝ 33 -38 %  յուղայնությամբ – 400 մլ

շաքարավազ – 150 գ

վանիլ

ազնվամորի՝ թարմ կամ սառեցված – 100 գ

շոկոլադ – 50 գ

ընկույզ – 50 գ։

Ազնվամորով, ընկույզով և շոկոլադով պաղպաղակի պատրաստման եղանակն է․

ձվի դեղնուցներն առանձնացնել սպիտակուցներից՝ վերջիններս տեղավորելով սառնարանում։

Ձվի դեղնուցները հարել 50 գ շաքարավազով այնքան, որ լավ սպիտակի, ապա ավելացնել վանիլն ու կրկին խառնել։

Ձվի սպիտակուցները հանել սառնարանից, հարել 50 գ շաքարավազով՝ դարձնելով պինդ բեզե։

Հարած դեղնուցի վրա փոքր չափաբաժիններով և անընդհատ խառնելով ավելացնել մնացած 50 գ շաքարավազով լավ հարած սերուցքը, ապա նաև՝ սպիտակուցը։

Այնուհետև ավելացնել ազնվամորին, մանրացրած ընկույզն ու քերած շոկոլադը։ Ստացված զանգվածն զգուշությամբ խառնել և լցնել նախատեսված տարրայի մեջ։

Տեղադրել սառցախցիկում, թողնել 3 -5 ժամ՝ մերթընդմերթ գդալով խառնելով, որպեսզի սառչելու ընթացքում հավելումները չլինեն միայն պաղպաղակի ներքևի մասում, ինչպես նաև զանգվածի մեջ չառաջանան բյուրեղիկներ։ Երբ զանգվածը լավ սառչի, հարթեցնել ու այլևս չխառնել։

Մատուցելիս ձևավորել ընկույզով, հատապտղով և շոկոլադով։

Метки: , , , ,


Оставить отзыв