Вы просматриваете: Главная > ԽՈՀԱՆՈՑ, ՏՈՐԹԵՐ > Տորթ «Դրախտ»

Տորթ «Դրախտ»

Այս «Դրախտ» տորթն իսկական բացահայտում է մրգային համով տորթերի սիրահարների համար:

Տորթը թխելու համար անհրաժեշտ են՝

ազնվամորու (կարելի է փոխարինել այլ մոգով կամ հատապտղով) չիր – 80 գ

ալյուր – 180 գ

բուսայուղ – 60 մլ

կարագ – 100 գ

կակաոյի փոշի – 1 ճ.գ

ձու – 6 հատ

յուղոտ կաթնաշոռ – 150 գ

շաքարավազ – 200 գ

շաքարի փոշի – 3-4 ճ.գ

ջուր – 80 մլ

սերուցք 33 % – 200 մլ

սև շոկոլադ – 100 գ

օսլա – 1 ճ.գ:

Տորթ «Դրախտ»-ի պատրաստման եղանակն է՝

առանձնացնել ձվի սպիտակուցներն ու դեղնուցները:

Սպիտակուցները հարել շաքարավազի կեսի հետ այնպես, որ ստացվի պինդ բեզե:

Շաքարավազի մյուս կեսի հետ հարել դեղնուցները, ապա ավելացնել բուսայուղն ու ջուրը, կրկին հարել: Գդալ առ գդալ ավելացնել բեզեին և խառնել:

Քիչ-քիչ ավելացնելով ալյուրի և օսյալի խառնուրդը՝ շարունակել հարել:

Այնուհետև ավելացնել ազնվամորու մանրացված չիրը (չրի առավելությունը կայանում է նրանում, որ, ի տարբերություն թարմ կամ սառեցված մրգերի, այն լրացուցիչ խոնավություն չի հաղորդում խմորին և չի փոխում խմորի գույնը), խառնել գդալով և լցնել 22 սմ տրամագծով նախապես յուղած կաղապարի մեջ:

Թխել նախապես 180°C տաքացրած ջեռոցում 25-30 րոպե:

Հանել կաղապարից, հովացնել:

Կրեմը պատրաստելու համար սերուցքը լավ տաքացնել և լցնել շոկոլադի վրա: Լավ խառնել, որ շոկոլադը հալվի:

Ավելացնել կակաոյի փոշին, կրկին հարել:

Կարագը հարել, ավելացնել շաքարի փոշին: Լավ հարելուց հետո ավելացնել կաթնաշոռը և հարել այնքան, որ ստացվի միասեռ զանգված:

Այնուհետև ավելացնել շոկոլադե հովացած զանվածը և նորից խառնել:

Թխվածքը բաժանել 4 շերտի և իրար միացնել կրեմով:

Կրեմապատել ամբողջական տորթը և ձևավորել ըստ ճաշակի:

 

Метки: ,


Оставить отзыв