Вы просматриваете: Главная > ԽՈՀԱՆՈՑ, ՏՈՐԹԵՐ > Տորթ «Ռահաթ»

Տորթ «Ռահաթ»

Այս խրխրթան «Ռահաթ» տորթը կհետաքրքրի հատկապես այն տնային տնտեսուհիներին, ովքեր սիրում են զարմացնել իրենց հյուրերին և լսել իրենց հասցեագրված գովեստի խոսքեր:

Տորթի բաղադրիչներն են՝

գետնանուշ — 300 գ

խնձորի ջեմ — 3-4 ճ.գ

եփած խտացրած կաթ — 2-3 ճ.գ

կակաոյի փոշի — 1 թ.գ

կարագ — 150 գ

ձու — 6 հատ

շաքարավազ — 380գ

ջուր — 50 մլ

վանիլ

օսլա(крахмал) — 3 ճ.գ:

«Ռահաթ» տորթի պատրաստման եղանակն է.

գետնանուշը բովել, մաքրել կեղևից և լավ մանրացնել:

2 ձվի սպիտակուցը լավ հարել՝ հետզհետե ավելացնելով 100 գ շաքարավազ: Ստացված բեզեյին ավելացնել 4 ճ.գ մանրացրած գետնանուշի և 1 ճ.գ օսլայի խառնուրդը և լավ խառնել փայտե գդալով:

Լցնել բեզեն յուղաթղթի վրա և թխել 160°C ջերմաստիճան տաքացրած ջեռոցում 120-130 րոպե:

Տորթը կազմված է բեզեյի 3 շերտից: Յուրաքանչյուր շերտի համար հարկավոր է պատրաստել նույն բեզեյից առանձին- առանձին և թխել նույն կերպ:

Կրեմի պատրաստման եղանակն է.

50 մլ ջուրը եռացնել, ավելացնել 80 գ շաքարավազը: Եռալուց հետո ավելացնել խտացրած կաթն ու 10 րոպե եփել մարմանդ կրակով: Վերցնելով կրակից՝ հովացնել:

Փափկեցրած կարագը հարել մինչև սպիտակելը, ապա գդալ առ գդալ ավելացնել արդեն հովացած զանգվածն ու վանիլը:

Կրեմի 1/3 –ն առանձնացնել, իսկ մնացածին ավելացնել կակաոյի փոշին:

Տորթի առաջին շերտը պատել կրեմով, վրան դնել երկրորդ շերտը և այն պատել խնձորի ջեմով, այնուհետև տեղադրել երրորդ շերտը:

Տորթի վերին շերտը և կողքերը պատել շոկոլադե կրեմով:

Կողքերը զարդարել մանրած գետնանուշով:

«Ռահաթ» տորթը պատրաստ է:

Метки: ,


Оставить отзыв