Այս արտասովոր և համեղ, անակնկալներով լի կոկա-կոլան կարելի է պատրաստել տնային պայմաններում ու զարմացնել ո՛չ միայն երեխաներին, այլ նաև մեծահասակներին: Այն կգնահատեն հատկապես շոկոլադի սիրահարները:
Անակնկալներով լի կոկա-կալա պատրաստելու համար անհրաժեշտ բաղադրիչներն են՝
կոկա-կոլայի 1 լիտրանոց շիշ – 1 հատ
սև շոկոլադ – 400 գ
մանր կոնֆետներ:
Անակնկալներով լի կոկա-կալա պատրաստելու եղանակն է.
կոկա-կոլայի շշի վրայից զգուշությամբ հեռացնել պիտակը՝ պահպանելով վերջինիս անբողջականությունը: Շիշը լավ լվանալ ու չորացնել:
Գոլորշու վրա հալեցնել 200գ շոկոլադը: Ձագարի կամ խոհարարական տոպրակի միջոցով շոկոլադը լցնել շշի մեջ: Դանդաղորեն, բայց անընդհատ պտտեցնել շիշն այնպես, որ այն ամբողջությամբ պատվի շոկոլադով:
Երբ շոկոլադն սկսի սառչել, մյուս 200 գ շոկոլադը նույն ձևով հալեցնել ու կրկնել ողջ գործընթացը: Շիշը դնել սառը տեղ և թողել, որ շոկոլադը վերջնականորեն սառչի:
Շոկոլադի կարծրանալուց հետո հարկավոր է սուր դանակի օգնությամբ հեռացնել շիշը: Դրա համար պետք է շշի վրա մի քանի տեղից կտրվածքեր անել այնպես, որ շոկոլադի վրա դանակի հետքեր չմնան: Այուհետև զգուշությամբ հեռացնել շշի կտորները:
Պիտակի հատվածում շոկոլադը թեթևակի խոնավեցնել, ու խնամքով ամրացնել պիտակը:
Արդեն պատրաստի շշի մեջ լցնել մանր կոնֆետները և փակել խցանով:
Անակնկալներով լի կոկա-կալան պատրաստ է և կարելի է համտեսել մի գավաթ սուրճի հետ:
