Հիրավի, ցանկացած սեղանին տոնական տեսք են հաղորդում ոչ միայն գեղեցիկ և համեղ ուտեստները, այլ նաև ճիշտ ընտրված սպասքը, սփռոցն ու գեղեցիկ ձևավորված անձեռոցիկները:
Ամանորին անձեռոցիկների ձևավորման ամենահարմար տարբերակը «Տոնածառ» -ն է:
Բազում տարբերակներից առանձնացված այս տարբերակներից յուրաքանչյուր տանտիկին կարող է ընտրել իրեն ավելի հարմար տարբերակը:
«Տոնածառ» անձեռոցիկներ պատրաստելու եղանակներն են.
ՏԱՐԲԵՐԱԿ 1
1. Քառածալ անձեռոցիկի 4 շերտերը հերթականությամբ որոշակի հեռավորությամբ անկյունագծով ծալել:
2. Շրջել և երկու եզրերը ծալել դեպի ներս (հետևել նկարին):
3. Կրկին շրջել անձեռոցիկը: Շերտերի եզրերը, կորացնելով դեպի գրպանիկները, դնել գրպանիկների մեջ՝ ըստ նկարի:
4. Գագաթը կարելի է ձևավորել թիթեռնիկով կամ աստղիկով՝ ըստ ճաշակի:
ՏԱՐԲԵՐԱԿ 2
1. Երկտակ ծալված անձեռոցիկի եզրերը եռանկյունաձև ծալել:
2. Այնուհետև եռակյունիների գագաթները ծալել դեպի կենտրոն:
3. Ապա անձեռոցիկը կենտրոնից ծալել դեպի ներս:
4. Ուղղանկյան վերևի երկու գագաթներն իջեցնելով՝ տանել դեպի ներս՝ հասցնելով միջին գծին այնպես, որ ընդհանուր պատկերը դառնա եռանկյունաձև:
5. Անձեռոցիկի չորս եզրերը, հավասարաչափ հեռացնելով միմյանցից, կանգնեցնել ափսեի մեջ:
ՏԱՐԲԵՐԱԿ 3
1. Երկտակ ծալված անձեռոցիկի եզրերը եռանկյունաձև ծալել այնպիսի անկյան տակ, որ կրկնակի ծալելու դեպքում գագաթը համընկնի երկտակ ծալված անձեռոցիկի վերևի մասի միջնակետի հետ:
2. Այնուհետև ներքևի մասը միջին գծով ծալել դեպի վեր, ապա որոշակի մասն իջեցնելով՝ հետ ծալել:
3. Տոնածառի ոտիկ ձևավորելու համար ներքևի մասի եզրերը բերել դեպի միջին գիծ այնպես, որ վերևի մասի երկու կողմերում ձևավորվեն երկու փոքրիկ եռանկյունի:
4. Շրջել և տոնական տեսք հաղորդելու նպատակով ձևավորել:
ՏԱՐԲԵՐԱԿ 4
1. Շեղանկյան տեսքով բացած անձեռոցիկի կողքերի երկու ակյունները ծալել դեպի մեջտեղ, որ վերևի անկյունը դառնա եռանկյան գագաթը: Թեթևակի ծալելով նաև ներքևի անկյունը՝ ձևավորել եռանկյուն:
2. Ձևավորված երկու կողմերն, ըստ նկարի, ծալել դեպի ներս և ձևավորված անձեռոցիկը մեջտեղից ծալել այնպես, որ ստացվի եռանկյունի:
3. Կրկին հետ ծալել այնպես, որ ձևավորվի տոնածառի ոտիկը:
4. Շրջել և դնել ափսեի մեջ:
5. Ըստ երևակայության՝ կարելի է նաև ձևավորել:
