Տիրամիսուն նրբահամ ու եթերային իտալական աղանդեր է, որը հայտնի է ողջ աշխարհում և ունի պատրաստման տարբեր եղանակներ ու բաղադրատոմսեր։
Տիրամիսուի այս բաղադրատոմսը ջանքեր գրեթե չի պահանջում և իր համով չի զիջում դասական տարբերակին։
Արագ պատրաստվող հասարակ տիրամիսու պատրաստելու համար անհրաժեշտ են՝
թխվածքաբլիթ – 200 գ
կաթնաշոռ – 200 գ
թթվասեր – 100 գ
շաքարավազ – 50 գ
լուծվող սուրճ — 1 ճ․ գ
կակաո
վանիլ։
Արագ պատրաստվող հասարակ տիրամիսուի պատրաստման եղանակն է․
կաթնաշոռը, թթվասերն ու շաքարավազը բլենդերով հարել մինչև դառնա միասեռ զանգված։
Թխվածքաբլիթները 5 վայրկյանով ընկղմել նախապես պատրաստված լուծվող սուրճի մեջ։ Այնուհետև ապակե բաժակի կամ այլ նախընտրելի տարրայի մեջ թխվածքաբլիթների ու կաթնաշոռային զանգվածի հաջորդաբար դասավորմամբ ձևավորել տիրամիսուն։
Վերջում վրան կակաո ցողել և թողնել սառնարանում ողջ գիշեր։
Մատուցելիս կարելի է ձևավորել մրգերով, հատապտուղներով կամ դաղձի տերևներով։
