Մարտի 8 –ին՝ կանանց միջազգային օրը, ընդունված է կանանց ծաղիկներ նվիրել: Իսկ յուրաքանչյուր կնոջ համար ստացված ծաղիկներն առավել թանկ ու հաճելի են, եթե պատրաստված են իր երեխայի ձեռքերով:
«Մայրիկիս» մարտի 8-ի համար բացիկ պատրաստելու համար անհրաժեշտ են՝
սպիտակ և երկկողմանի գունավոր թղթեր
ծառի բարակ ճյուղ
սոսինձ
մատիտ
մկրատ:
«Մայրիկիս» մարտի 8-ի համար բացիկ պատրաստելու եղանակն է.
սկզբում հարկավոր սպիտակ թղթի վրա ուրվագծել ձեռքն ու զգուշությամբ կտրելով՝ հեռացնել ավելորդ մասերը:
Այնուհետև գունավոր թուղթը երկտակել այնպես, որ ստացվի բացիկ, որի մեջ հնարավոր լինի բարեմաղթանք գրել: Ապա վրան սոսնձել սպիտակ թղթից կտրված ձեռքի ափն այնպես, որ հնարավոր լինի մատները դեպի հետ ծալել ու սոսնձել ափին:
Նախատեսված ճյուղը սոսնձել ափի կենտրոնում, ապա սոսնձել նաև մատները:
Գունավոր թղթերից նախօրոք կտրտած տերևներն ու ծաղիկները խնամքով փակցնել ճյուղերին:
Պատրաստի բացիկը ձևավորել ըստ երևակայության ու ճաշակի:
