Համեղ, հյութեղ ու ոսկեգույն գազարով ու բրնձով այս կոտլետները ո՛չ միայն համեղ են ու առողջարար, այլ նաև շատ գեղեցիկ տեսք ունեն:
Գազարով ու բրնձով կոտլետներ պատրաստելու համար անհրաժեշտ բաղադրիչներն են՝
գազար — 400 գ
բրինձ (կլոր տեսակի) – 100 գ
ջուր — 350 մլ
սոխ – 1 գլուխ
ձու – 1 հատ
սխտոր – 3 պճեղ
սոյայի թանձրուկ – 2 ճ. գ
բուսայուղ – 5 ճ. գ
պաքսիմատի փոշի – 30 գ
սև պղպեղ:
Գազարով ու բրնձով կոտլետներ պատրաստման եղանակն է.
քիչ քանակի բուսայուղի մեջ տապակել կտրտած սոխն ու ճզմած սխտորը: Ավելացնել քերած գազարն ու տապակել մոտ 5 րոպե: Այնուհետև ավելացնել սոյայի թանձրուկը: Տապակել ևս 1 րոպե, վերցնել կրակից ու թողնել, որ հովանա:
Արդեն հովացած զանգվածին ավելացնել աղաջրում նախապես խաշած ու ջրքամած բրինձը, մանր կտրտած խաշած ձուն և համեմել սև պղպեղով:
Ստացված զանգվածով ձևավորել կոտլետներ, թաթախել պաքսիմատի փոշու մեջ և երկու կողմից տապակել բուսայուղի մեջ:
Գազարով և բրնձով պատրաստի կոտլետները մատուցել տաք վիճակում:
