Նրբաբլիթների պատրաստման հիանալի տարբերակ է նաև դդմիկով բաղադրատոմսը, որը շատ համեղ է ու ինքնատիպ։ Այս նրբաբլիթները կարելի է մատուցել թթվասերի, սերուցքային կարագի, նախընտրելի թանձրուկի հետ միասին կամ լցոնել։
Դդմիկով նրբաբլիթներ պատրաստելու համար անհրաժեշտ են՝
դդմիկ – 200 — 250 գ
մածուն – 150 մլ
ձու – 2 հատ
ալյուր – 100 գ
բուսայուղ – 0,5 ճ․ գ
մաղադանոս – 5 գ
սոդա – 0,25 թ․ գ
աղ։
Դդմիկով նրբաբլիթների պատրաստման եղանակն է․
դդմիկը քերել քերիչով ու թեթևակի ճզմելով՝ հեռացնել ավելորդ հեղուկը։ Վրան ավելացնել ձուն, աղը և սոդայի ու մածունի խառնուրդը, բուսայուղը, որից հետո լավ խառնել։ Աստիճանաբար ավելացնել ալյուրը ու թույլ խմոր պատրաստել և թողնել 20 րոպե։
Այնուհետև ավելացնել շատ մանր կտրտած մաղադանոսն ու որոշակի չափաբաժնով լցնել բուսայուղով պատած շատ տաք թավայի մեջ, տարածել և տապակել երկու կողմից։