Ամանորի տոնական սեղանն իր յուրահատկությամբ, գեղեցկությամբ, զվարճալի ու արտասովոր տեսքով կզարդարի կարտոֆիլի խյուսով այս հիանալի խոզուկը: Այն շատ համեղ է և հեշտ ու արագ է պատրաստվում:
Կարտոֆիլի խյուսով խոզուկի բաղադրիչներն են՝
կարտոֆիլ – 1 կգ
սունկ – 200 գ
սոխ – 2 գլուխ
աղացած միս (ցանկացած) – 250 գ
մայոնեզ – 5 ճ. գ
ձիթապտուղ – 2 հատիկ
գազար – 1հատ
ձու – 2 հատ
կաթ – 200 մլ
կարագ – 150 գ
բուսայուղ
աղ և պղպեղ – ըստ ճաշակի:
Կարտոֆիլի խյուսով խոզուկի պատրաստման եղանակն է.
կարտոֆիլը խաշել, ավելացնել 1 ձուն, կաթն ու կարագը: Խյուս (пюре) պատրասել:
Բուսայուղով և սոխով սոխառեծ պատրաստել, ավելացնել աղացած միսը և տապակել մինչև մսի պատրաստ լինելը: Համեմել աղով և պղպեղով:
Բուսայուղով տապակել նաև կտրտած սունկը: Համեմել աղով և պղպեղով:
Ջեռոցի տապակի վրա փայլաթիթեղ փռել, պատել բուսայուղով: Վրան լցնել խյուսի մի մասը, ձվածրի (օվալ) տեսք տալ և հարթեցնել: Ապա վրան մայոնեզ քսել:
Կարտոֆիլի շերտի վրա փռել մսային շերտը՝ եզրերից մոտավորապես 2-3 սմ տարածք թողնելով: Կրկին պատել մայոնեզով:
Ապա ավելացնել սունկը և կրկին պատել մայոնեզով:
Այնուհետև ավելացնել մնացած խյուսը, տարածել ողջ մակերեսով և խոզուկի տեսք հաղորդել (ցանկալի է, որ խյուսը տաք լինի, քանի որ տաք վիճակում ավելի հեշտ կլինի ծեփել):
Աչքերի փոխարեն ձիթապտուղներ դնել, իսկ քթանցքերն ու բերանը ձևավորել գազարից:
Վրան հարած ձու քսել, դնել նախապես 180-200°C տաքացրած ջեռոցի մեջ՝ թողնելով մոտ 25-30 րոպե՝ մինչև կարմրելը:
Պատրասի խոզուկը տեղափոխել մատուցման ափսեյի մեջ և մատուցել ինչպես տաք, այնպես էլ սառը վիճակում:
Նույն բաղադրատոմսով և սկզբունքով կարելի է պատրաստել խոզուկի այլ տարբերակներ, իսկ դնչիկը ձևավորել երշիկի շերտից:
