Սոճու կոնի և կիտրոնի օգտակար հատկություների մասին գիտեն բոլորը։ Այդ երկուսի համդրությամբ մուրաբան և՛ շատ համեղ է, և՛ շատ օգտակար։
Կիտրոնով սոճու կոնի մուրաբա պատրաստելու համար անհրաժեշտ են՝
սոճու կանաչ կոն – 200 գ
շաքարավազ – 300 գ
ջուր – 300 մլ
կիտրոն – 1 հատ։
Կիտրոնով սոճու կոնի մուրաբայի պատրաստման եղանակն է․
կաթսայի մեջ լցնել լվացած կոները, կորիզազատած և շերտատած կիտրոնը, ավելացնել ջուրը և եռացնել։
Անընդհատ խառնելով՝ աստիճանաբար ավելացնել շաքարավազը։ Երբ շաքարավազն անբողջությամբ լուծվի, շարունակել եփել մարմանդ կրակով ևս 1 ժամ։ Այդ ընթացքում զանգվածի գույնը պետք է ձեռք բերի վարդագույն-շագանակագույն երանգ։
Պատրաստի մուրաբան տաք վիճակում լցնել նախօրոք մանրէազերծված ապակե տարաների մեջ և ամուր փակել։