Մանրադրամը խորհրդանշում է հարստություն, առատություն, ուստի մանրադրամներով ձևավորված այս դեկորատիվ շիշը ցանկացած առիթի հրաշալի նվեր կարող է լինել:
Մանրադրամներով ձևավորված դեկորատիվ շիշ պատրաստելու համար անհրաժեշտ են՝
որևէ գեղեցիկ ուրվագծով շիշ
թղթե սրբիչ կամ թղթե անձեռոցիկ
սոսնձային ատրճանակ
մկրատ
սև և բրոնզագույն ներկեր
սինթետիկ վրձին
մանրադրամներ (մի քանի հատի վրա նախապես անցք բացած)
մետաղական կայծակ-շղթա
ՊՎԱ սոսինձ (էմուլսյա)
սպունգ
ալյումինե լար
մանրադրամներն ամրացնելու համար թել
կպչուն ժապավեն (սկոչ)
որևէ լաք:
Մանրադրամներով ձևավորված դեկորատիվ շշի պատրաստման եղանակն է.
մանրադրամները սոսնձային ատրճանակի օգնությամբ ցանկացած դասավորությամբ սոսնձել շշի վրա, ապա վրայից սոսնձել կայծակ-շղթան:
Հավասար քանակությամբ ջուրն ու ՊՎԱ սոսինձն իրար խառնել: Այդ խառնուրդում թրջել թղթե անձեռոցիկների նեղ կտորները, մի քիչ ցամաքեցնել, ապա փաթաթել շշի վրա ցանկացած ձևով:
Թղթե անձեռոցիկից կամ սրբիչից շատ նեղ գլանակներ փաթաթել և, թրջելով խառնուրդում, փաթաթել շշի վերևի հատվածին: Թողնել, որ լավ չորանա:
Այնուհետև ամբողջությամբ սև ներկել ու կրկին չորացնել:
Սպունգով թեթևակի խփելով՝ բրոնագույն պատել շշի ողջ մակերեսը: Շիշն արդեն պատրաստ է:
Մետաղական լարից, ըստ նախընտրած ձևի, ձևավորել ծառն ու լարերի միացման հատվածներն ամրացնել կպչուն ժապավենով: Լարերը նույնպես փաթաթել թղթե սրբիչի կտորներով և սև նեկել:
Թելով մանրադրամներն ամրացնել ճյուղերին կամայական դասավորությամբ:
Պատրաստի ճյուղը սոսնձային ատրճանակով ամրացնել շշին:
