Չինական թխվածքաբլիթ «Լոտոս»

Չինացիների կողմից լոտոս ծաղկի մեծարման ևս մի արտացոլանք է այս յուրահատուկ թխվածքաբլիթը: Թերևս վստահորեն կարելի է պնդել, որ այս հետաքրքիր բաղադրատոմսը կդառնա շատերի սիրելի բաղադրատոմսերից մեկը, և իսկական այցեքարտ կլինի տնային տնտեսուհու համար:

«Լոտոս» չինական թխվածքաբլիթիբաղադրիչներ են՝

առաջին խմորի համար՝

ալյուր- 230 գր

կարագ- 30 գր

ջուր- 125 մլ

երկրորդ խմորի համար՝

ալյուր- 150 գր

կարագ- 150 գր

միջուկի համար՝

ընկույզ- 150 գր

շաքարի փոշի- 3 ճ. գդալ

ձվի սպիտակուց- 1 հատ

դարչին-ըստ ճաշակի

ինչպես նաև՝

գունանյութ- ըստ ճաշակի:

Թխվածքաբլիթի պատրաստման եղանակն է.

առաջին խմորի համար նախատեսված բաղադրիչները լցնել մեկ ամանի մեջ: Փափուկ խմոր հունցել, ծածկել սննդային թաղանթով և 20 րոպե թողնել հանգստանա:

Խմորը 2 հավասար մասի բաժանել և մեկի մեջ գունանյութ լցնել:

Սպիտակ և գունավոր գնդերից հավասար քանակությամբ գնդիկներ պատրաստել:

Երկրորդ խմորի համար նախատեսված բաղադրիչները լցնել մեկ այլ ամանի մեջ և լավ տրորել: Փափուկ ու յուղոտ խմոր հունցել:

Երկրորդ խմորը նույնպես բաժանել գնդիկների (պետք է առաջին խմորի սպիտակ և գունավոր գնդիկների քանակին հավասար լինեն):

Առաջին խմորի սպիտակ և գունավոր խմորից կլոր բլիթներ գրտնակել և դրանց վրա դնել երկրորդ խմորի գնդիկները:

Եզրերն ամրացնել:

Այնուհետև գրտնակել՝ ձվածրի (օվալ) տեսք տալով:

Փաթաթել ռուլետի տեսքով, ծածկել սննդային թաղանթով և 20 րոպե թողնել հանգստանա:

20 րոպե հետո խմորի գլանակները կրկին գրտնակել:

Կրկին փաթաթել ռուլետի տեսքով և կրկին թողնել 20 րոպե:

Այդ ընթացքում պատրաստել միջուկը. ընկույզը մանրացնել, ավելացնել շաքարի փոշին, ձվի թեթևակի հարած սպիտակուցն ու դարչինը: Բոլոր բաղադրիչները խառնել, մինչև ստացվի համասեռ զանգված: