Այս ինքնատիպ ձևով ծալված սրտաձև անձեռոցիկները յուրաքանչյուր տանտիրուհու համար ևս մի առիթ կհանդիսանան յուրահատուկ դարձնելու տոնական սեղանը՝ հնարավորություն ընձեռելով արտահայտելու սեփական զգացմունքները:
1. Անձեռոցիկ «Սիրող սրտեր»
Ուղղանկյուն բացված անձեռոցիկը մեջտեղից ծալել:
Անձեռոցիկի բոլոր անկյունները ծալել դեպի կենտրոն, ապա ուղղանկյան ներքևի եզրի մեջտեղից ծալել դեպի վեր: Ստացված սրտիկը տեղադրել ափսեյի մեջ:
2. Անձեռոցիկ «Սրտիկ»
Շեղանկյուն բացված անձեռոցիկն անկյունագծով ծալելելով՝ ստանալ եռանկյունի:
Այնուհետև ներքևի երկու գագաթները բարձրացնել դեպի վերևի գագաթը:
Անձեռոցիկը շրջել հակառակ կողմ և վրայի շերտը անկյունագծով ծալել դեպի ներքև:
Վերևի մասում մնացած երկու գագաթներն էլ ծալել դեպի կողմնային գագաթներ:
Ստացված պատկերի վերևի բոլոր անկյունները թեթևակի ծալելով դեպի ներս՝ ձևավորել սիրտը:
Շրջել, տեղադրել ափսեյի մեջ և, ցանկության դեպքում, ձևավորել:
3. Անձեռոցիկ «Սիրո խոստովանություն»
Շեղանկյուն բացված անձեռոցիկը եռանկյունաձև ծալել:
Այնուհետև ներքևի գագաթները ծալելու միջոցով միացնել վերևի գագաթին, ապա, դեպի ներս ծալելով, իջեցնել ու միացնել կողմնային գագաթներին:
Շրջել անձեռոցիկը: Ստացված շեղանկյան ամբողջական շերտն անկյունագծով ծալել դեպի ներքև:
Կրկին շրջել և տեղադրել ափսեյի մեջ:
