Այս քաղցրահամ ու հյութալի պտուղները լայն կիրառություն ունեն խոհանոցում ու ժողովրդական բժշկության մեջ։ Սև թթի մուրաբան ոչ միայն համեղ է, այլ նաև շատ օգտակար:
Սև թթի մուրաբա պատրաստելու համար անհրաժեշտ են՝
սև թութ – 1 կգ
շաքարավազ – 1.4 կգ
կիտրոնաթթու – 2 գ:
Սև թթի մուրաբայի պատրաստման եղանակն է.
լվացած, չորացրած և պոչիկները նախապես կտրած թթի հատիկները շերտով դասավորել կաթսայի մեջ, ապա պատել շաքարավազի շերտով: Շերտերը կրկնել այնպես, որ վերջին շերտը լինի շաքարավազը: Թողնել 7 ժամ, որից հետո եփել մարմանդ կրակով մոտ 30 րոպե՝ մինչև պատրաստ լինելը:
Պատրաստ լինելուց մոտ 3-4 րոպե առաջ մուրաբայի մեջ ավելացնել կիտրոնաթթուն:
Արդեն պատրաստ սև թթի մուրաբան վերցնել կրակից և անմիջապես լցնել նախապես մանրէազերծված ապակե տարրաների մեջ ու փակել:
Պահածոյացված սև թթի մուրաբայի պիտանելության ժամկետը 1 տարի է: